Қазақстан Республикасының Қылмыстық Кодексінің 296-бабының 2-бөлігінде көзделген сотталушы А.-ға қатысты қылмыстық іс қаралды.

Сотталушы А. тұрғылықты үйінен шығып, жол жиегінде жатқан  темекі қорабын тауып алып, оның ішінде болған 3 дана темекі талшығына салынған есірткі екенін біліп, оны иемденіп, жолаушылар поездына мінген. Поезд вагонында қызметтік итті қолдану арқылы тексеру кезінде аталған вагонның №2 орнында отырған сотталушы А-ға қызметтік ит белгі берген, сол  кезде оны тексеру барысында ол өзінің сөмкесінің қалтасынан темекі талшығына салынған өзіне тән ерекше иісі бар өсімдік тәріздес, яғни сараптама қорытындысы бойынша 0,32 грамм болатын ecipткi құралы – «кептірілген марихуана» өз еркімен ұсынған. Яғни, сотталушы А. есірткі затын өткізу мақсатынсыз заңсыз иемденіп, сақтаған. 

Басты сот талқылауында сотталушы  кінәсін толық мойындап, көше бойында жалғыз өзі келе жатқан кезде, жолдың жиегінде жерде жатқан темекі қорабын тауып алып, оның есірткі заты екенін біле тұра, оны заңсыз иемденіп, сақтап, темір жол станциясына жақындаған кезде полиция қызметкерлеріне ұсталғанын, істеген әрекетіне өкінетінін, енді мұндай жағдайлар қайталанбайтынын көрсетіп, өзіне жеңіл жаза тағайындауды сұрады.

Сотталушы Қазақстан Республикасы Қылмыстық 296-бабының 2-бөлігімен кінәлі деп танылып, оған 30 айлық есептік көрсеткіш мөлшерінде, яғни 110 760 теңге айыппұл салынды.

Жаңақорған аудандық соты