Өңірден сайланған депутат Нұркен Бақытбек­ұлы да апта ағымында өзіне жүктелген міндетті негізге алып, экономика­лық саясат, өнеркәсіп және энергетика коми­теті ұйымдастырған жұмыс тобының отыры­сына қатысты. Бұл жиын­дағы тақырып та, көте­рілген мәселенің парқы да өзгерек. Оның ұсы­ныстары тұтыну­шылардың құқықтарын қорғау және осы саладағы заң­наманы жетілдіруге бағыт­талған өзгерістер мен толықтырулар енгізу туралы заң жобаларына арнал­ды. 

Құрылтай депутаты  Нұркен Бақытбекұлы:

 – Тұтыну­шылар­дың құқықта­рын қорғау мәселесі әрбір азамат­тың күнделікті өміріне тікелей әсер етеді. Осы тұрғыдан алғанда, заңнамалық өзгерістер азаматтардың құқықтарын тиімді қорғауға, тұтынушы мен кәсіпкер арасындағы жауапкершілік шегін айқындауға және екі тараптың да мүдделерін ескеретін әділ құқықтық орта қалыптастыруға негіз болуы тиіс. Сондықтан заң жобасын талқылау барысында ұсынылған нормалардың іс жүзін­де қалай жұмыс істейтініне және олардың құқықтық қолдану тәжірибесіне ықпалына ерекше мән беру маңызды.

Бұдан бөлек жұмыс тобының жиынында тұтынушылар мен кәсіпкерлер арасындағы құқықтық қатынастарды реттеу, азаматтардың мүдделерін қорғау және заң талаптарын қолдану кезінде туындайтын мәселелерді шешу жолдары сөз болды.

Заңнамалық бастамалар қаралды

Құрылтайдың кезекті отырысындақаралған заң жобаларының бірі мемлекеттік наградалар жүйесіне, халықаралық ынтымақтастықты дамытуға және өкілді органдар арасындағы байланысты нығайтуға қатысты болды. Құрылтай Спикері Айбек Дәдебайдың төрағалығымен өткен жиынға Нұркен Бақытбекұлы да қатысып, күн тәртібіндегі мәселелерге қатысты өз пікірін жеткізді.

Құрылтай депутаты  Нұркен Бақытбекұлы:

– Отырыс барысында Қазақстан мен Ресей арасындағы мұнай және мұнай өнімдерін жеткізу сала­сындағы сауда-экономикалық қаты­нас­тарды реттейтін келісімге өзгерістер енгізу жөніндегі хаттама­ны ратификациялау мәселесі қаралды. Қазақстан мен Сербия арасындағы әскери-техника­лық ынтымақтастық туралы келісімді ратификациялау да күн тәртібінен тыс қалған жоқ. Атал­ған бастамалар мемлекеттік награ­далар саласындағы құқықтық нормаларды жаңартуды және халықаралық әріптестік аясындағы уағдаластықтарды заңнамалық тұрғыдан бекітуді көздейді. Осы­ған байланысты ұсынылған құжат­тардың мазмұны мен олардың практикалық маңызына назар аударылды.

Жиында бұдан бөлек, Құрылтай жанынан мәслихаттармен өзара іс-қимыл жөніндегі кеңес құру мәселесі көтерілді. Мұндай кеңес орталық және жергілікті өкілді органдар арасындағы байланысты нығайтып, өңірлерде көтерілетін өзекті мәселелерді талқы­лауға және олар бойынша ортақ ұста­ным қалыптастыруға ықпал ете алады.

Қауіпсіздік мәселелері қаралды

Астана төріндегі Құрылтайдың кезекті отырысында бірқатар заңнамалық бастамалар сөз болды. Жиынға арқау болған тақырыптар халықаралық әріптестікті нығайтуға, қылмысқа қарсы күрестің құқықтық тетіктерін жетілдіруге және цифрлық кеңістіктегі қауіпсіздікті қамтамасыз етуге бағытталды.

Депутат Нұркен Бақытбекұлының мәлімдеуінше, Қазақстан мен Қатар арасындағы қылмысқа қарсы күрестегі ынтымақтастық туралы келісімді ратификациялау, компьютерлік қылмыстар туралы конвенцияға қосылу, сондай-ақ ТМД елдері арасындағы мемлекетаралық іздестіру тәртібіне қатысты хаттаманы ратификациялау жөніндегі заң жобалары қаралды.

Демек, бұл бастамалардың маңызы – құқық қорғау органдарының халықаралық деңгейдегі өзара іс-қимылын жетілдіру, трансшекаралық қылмыстарға қарсы күрестің мүмкін­діктерін кеңейту және киберқылмысқа қарсы іс-қимылдың құқықтық негіздерін нығайтуға бағытталды.

Отырыс барысында Дүниежүзілік сауда ұйымы аясындағы елімізге тиесілі міндеттемелеріне өзгерістер енгізуге қатысты заң жобасы да талқыланды.

Нұркен Бақытбекұлының айтуын­ша, Заң жобаларын қарау кезін­де халықаралық келісімдердің талаптары, олардың ұлттық заңнама­ға ықпалы және еліміз үшін практи­калық маңызы назарға алынды. Қазіргі жағдайда халықаралық ынты­мақтастықтың құқықтық негіздерін жетілдіру қауіпсіздікті нығайтуға да, экономикалық байланыстарды дамытуға да тікелей әсер етеді.