Қызылорда облыстық сотында өткізілген кеңейтілген кеңесте Жалағаш және Сырдария аудандық соттарының төрағаларын сайлау мәселесі қаралды.
«Қазақстан Республикасының сот жүйесі және судьялардың мәртебесі туралы» Қазақстан Республикасының Конституциялық Заңына енгізілген өзгерістерге сәйкес, 2024 жылғы 1 қаңтардан бастап аудандық соттардың төрағаларын сайлаудың жаңа әдісі енгізілді.
Оған сәйкес, аудандық соттардың төрағаларының бос лауазымдарына кандидаттарды іріктеуді облыстық соттың кеңейтілген жалпы отырысында сайланған адамдардың қатарынан Қазақстан Республикасының Жоғарғы Сот Кеңесі жүзеге асырады.
Кеңейтілген жиынға бірінші және апелляциялық сатыдағы судьялар қатысып, жоғарыда көрсетілген аудандық соттардың бос тұрған төраға лауазымдарына кандидаттарға жасырын түрде дауыс берді.
Қызылорда облыстық сотының баспасөз қызметі