Сот Әкімшілігінің Қызылорда облысы бойынша Департаментінің ұйымдастыруымен соттарда іс қағаздарын жүргізу ережесі мен ведомствалық архив жұмысының қағида талаптарын түсіндіруге арналған семинар сабағы өткізілді.
Семинарға Департамент басшысының орынбасары Е.Бөрібаев, бөлім басшылары, аудандық және оған теңестірілген соттардың әкімшілерінің басшылары мен мамандары онлайн режимде қатысты.
Департамент басшысының орынбасары Е.Бөрібаев семинар сабағын ашып, осындай семинардың мамандар үшін маңызды екенін, осы арқылы іс жүргізу қағида талаптары туралы толық мағлұмат алуға болатынын атап өтті.
Құжат айналымы бөлімінің басшысы А.Әбілқасымқызы қазіргі уақытта электронды архив қалыптастыруда атқарылып отырған жұмыстардың аз емес екендігін айтып өтіп, сондықтан жаңадан қабылданған қағида талаптарымен мамандар мұқият танысып, ұдайы біліктілікті көтеріп отыру қажеттілігіне тоқталды.
Шара барысында мамандар көтерілген тақырыптар бойынша мол мәліметтер алып, өзара пікір алмасты.
Қызылорда облыстық сотының баспасөз қызметі.