Қызылорда облыстық жастар ресурстық орталығының ұйымдастыруымен облыс көлемінде жастар арасында нашақорлықтың алдын алу, зиянды әдеттерден аулақ болуға үндеу және салауатты өмір салтын насихаттау мақсатында «Есірткіге қарсы – Әзіл» атты облыстық «JAIDARMAN» жастар фестивалі өткізілді

Фестивальге жоғары оқу орындары, колледждер және мектептердің студенттері мен оқушылары қатысып, үш кезең бойынша сынға түсті:

▪️ «Сәлемдесу»
▪️ «Сұрақ-жауап»
▪️ Арнайы есірткіге қарсы тақырыптық бөлімі⠀
Әзіл арқылы маңызды мәселені қозғаған бұл шара жастардың белсенділігін, креативті ойлау қабілетін және әлеуметтік жауапкершілігін арттыруды көздеді.

Фестивальді бағалау үшін арнайы әділқазылар алқасы құрылды. Құрамында:

• ҚР Бас прокуратурасы Құқықтық статистика және арнайы есепке алу жөніндегі комитетінің Қызылорда облысы бойынша департаментінің бастығы Абилдаев Асхат Дулатович
• Комитет департаменті бастығының орынбасары Имангалиев Фархат Талгатович
• Азаматтық қоғам институттарымен жұмыс және жастар бөлімінің басшысы Бихожаев Ернұр Бауыржанұлы
• Ардагер жайдарманшы, «Қорқыт» құрамасының ойыншысы Асылхан Дүкенбаев- Қазақстан
• ⁠ КВН Одағы РЖҚБ Қызылорда филиалының директоры Нұрлан Сипанов
  Жүлделі орындар иегерлері:
  III орын — BRAND командасы (еркін құрама)
  100 000 теңге қаржылай сыйақы
  II орын — AMG командасы (Айым өнер мектебі)
  150 000 теңге қаржылай сыйақы
  Үздік ойыншылар: Бағымжан мен Әмина
  I орын — МАТРИАРХАТ командасы (Қорқыт ата атындағы Қызылорда университеті)
  200 000 теңге қаржылай сыйақы
  ⠀
  Бұл фестиваль жастар арасында өзекті әлеуметтік мәселелерді жеңіл әзілмен жеткізу арқылы терең ой салып, тәрбиелік мәні жоғары іс-шара ретінде есте қалды.