Қызылорда облысының кәмелетке толмағандардың істері жөніндегі мамандандырылған ауданаралық сотының ұйымдастыруымен «ORDA» жоғарғы колледжінің студенттерімен кездесу өткізілді.

Кездесуге судья З.Абылайқызы мен сот әкімшісінің бас маман-сот отырысының хатшысы А.Нұрғалиев қатысты.

Кездесу мақсаты – кәмелетке толмағандардың арасында құқық бұзушылықтың алдын алу болып табылады.

Кездесу барысында судья З.Абылайқызы Қазақстан Республикасының әкімшілік құқық бұзушылық туралы кодексінің 442-бабы бойынша кәмелетке толмағандардың заңды өкілдерінің еріп жүруінсіз түнгі уақытта ойын-сауық мекемелерінде немесе тұрғынжайдан тыс жерде болуы және кәмелетке толмаған адамдардың жасайтын бұзақылықтары бойынша баяндама жасады.

Кездесу соңында колледж студенттері сұрақтарын қойып, жауап алып, өзінің құқықтары мен міндеттері жайлы мағлұмат алды.

Қызылорда облысының кәмелетке толмағандардың істері жөніндегі мамандандырылған ауданаралық соты