Облыс әкімі Нұрлыбек Нәлібаевтың төрағалығымен кадрлық өзгерістерге орай актив отырысы өтті. Оған селекторлық режимде қала, аудан әкімдері, басқарма, департамент басшылары мен ардагерлер қатысты. Мәжілісте Қазақстан Республикасы Мемлекеттік қызмет істері агенттігінің келісімімен Қызылорда дін істері басқармасының облысының басшысы лауазымына тағайындалған Мира Қазбекова таныстырылды.
– «Мира Жомартқызы – аймақтың әлеуметтік-саяси ахуалымен жақсы таныс, мемлекеттік қызметте мол тәжірибе жинақтаған, облыстың мәдени-рухани өмірін дамытуға зор үлес қосқан білікті маман. Басқарма мен оның басшысына маңызды міндеттер жүктеледі. Атап айтқанда, діни Басшыдан бір тілек қызмет саласындағы мемлекеттік саясатты жүзеге асыру, өңірдегі діни тұрақтылықты толыққанды бақылау, діни бірлестіктердің, миссионерлердің, рухани білім беру ұйымдарының қызметін зерделеу және талдау керек. Жастарды діни экстремистік әрекетке тартуға жол бермеу, азаматтардың бойында деструктивті діни идеологияға қарсы иммунитет қалыптастыру бағытында жұмыс атқаруды тапсырамын», -деді Н.Нәлібаев.
Мира Жомартқызы 1984 жылы Қазалы ауданында дүниеге ата келген. Қорқыт атындағы Қызылорда мемлекеттік университетінде қазақ тілі мен әдебиеті, экономика, «Болашақ» университетінде заңтану мамандықтары бойынша білім алған. Еңбек жолын 2005 жылы мемлекеттік қызметшілерді және бюджеттік сала қызметкерлерін қайта даярлау және олардың біліктілігін арттыру өңірлік орталығында бастаған.
Әр жылдары Қызылорда облысының мәдениет, архивтер басқармасы және құжаттама басшысының орынбасары, Қызылорда қалалық мәдениет және тілдерді дамыту бөлімінің басшысы, Қызылорда қаласы әкімі аппаратының басшысы, Қызылорда қаласы әкімінің орынбасары, Қызылорда облысының қоғамдық даму басқармасының басшысы лауазымдарында абыройлы қызмет еткен. 2023 жылдың қаңтар айынан осы күнге дейін Қызылорда облысының мәдениет, архивтер және құжаттама басқармасының қызметін атқарып келді.
Басшыдан бір тілек
Дін істері басқармасының басшысы М.Қазбекова:
ЖАУАПКЕРШІЛІК ЖҮГІ ЖЕҢІЛ ЕМЕС
Мемлекеттік қызметтегі тағы бір жауапты меже түйінделді. 2 жылдан аса уақыт Алаштың анасының мазмұны бөлек мәдениетіне, төл өнеріне, Сыр бойының саңлақ сазы мен жауһар жырына еңбек ету бұйырыпты. Бұл – өмір тарихымдағы ерекше мезет. Өте көп тәжірибе жинадым. Аймақ басшысының тікелей қолдауымен жүзеге асқан іргелі істердің маңайында жүрдік. Руханият қайраткерлерінің ақ батасына, өнерсүйер қауымның ақ тілегіне бөлендік, жерлестеріміздің ризашылығына кенелдік. Талантты тағдырлармен тізе қостық. Айтып болмайтын, қайтып келмейтін сәттер, қайталанбас шаралар өтті. Бұл сәттердің бәрінде мені Нұрлыбек Машбекұлы бастаған облыс активі, халық қалаулылары, басқармадағы, мәдениет мекемелеріндегі, аудандардағы әріптестерім қолдап, Сыр таланттары бір ауыздан бастамаларымызға зор ықылас танытып, ерекше қанаттандырды. Әсіресе, облыс әкімінің дәнекер болуымен құрылған симфония оркестрі, хор капелласы, “Арман” инклюзивті театры, “Ай-Ару” би ансамблі, “Анаға тағзым” және “Отбасы орталығы”, Жастар театры, Жыраулар үйі жұмысын бастағандағы жерлестеріміздің қуанышын сезіну маған үлкен бақыт сыйлады. Шығармашылық сапарлар Астана, Алматы қалаларынан басталып, Еуропа төрінде қоңырау қаққан төл өнеріміз, Италия, Ресей, Белоруссия мемлекеттерінде толысқан шеберліктер, бәрі-бәрі дәл бүгінгідей есімде. Ал, енді мәдениеттің қазанында қайнап жүрген 40 отбасына берілген қызметтік пәтер, Сыр тарландарына табысталған “Тұран” сыйлығы, әр ауылда, әр ауданда, әр мәдениет ошағында қалыптасқан “Адал адам” мәдени-тәрбие орталықтары-өңір мәдениетінің жеңісі. Барлығы үшін ризамын!
Бүгін табысталып жатқан жауапкершіліктің де жүгі жеңіл емес. Тынбай еңбек етуіміз қажет. Мәдениет саласы сыйлаған шабыт маған күш берді, ерекше талпыныс берді. Соның бәрі халық ісінде қажыр-қайрат болатынына сенемін! Жақсы жаңалықтармен қауышайық, тілеулес қауым!
(Facebook парақшасынан)