Конституция – мемлекеттің құқықтық негізі ғана емес, ең алдымен, әрбір адамның құқықтары мен бостандықтарының басты кепілі.
Құқықтық мемлекеттің басты мақсаты – азаматтардың қауіпсіз, еркін әрі лайықты өмір сүруіне жағдай жасау. Ол үшін әр адамның заң алдындағы теңдігі, ар-ождан бостандығы, пікір білдіру құқығы, жеке өміріне қол сұқпаушылығы және сот арқылы қорғалу мүмкіндігі нақты қамтамасыз етілуі тиіс.

Адам құқықтарын Конституцияда бекіту жеткіліксіз. Ең маңыздысы – олардың күнделікті өмірде сақталуы мен қорғалуы. Бұл бағытта мемлекеттік органдардың жауапкершілігі, сот төрелігінің қолжетімділігі және құқықтық көмектің сапасы ерекше маңызға ие.
Конституцияның шынайы күші – оның әрбір азаматтың өмірінен көрініс табуында. Адам өз құқығының қорғалатынына сенгенде ғана мемлекет пен қоғам арасындағы сенім нығаяды.

Әділетті қоғамның негізі – адам құқығын құрметтеу!

Айнура Назарова