Қызылорда облысының мүмкіндігі шектеулі тұрғыны (1 топ) 2012 жылы мемлекеттік тұрғын үй қорынан тұрғын үй алу кезегіне қойылған. Алайда, екі жылдан кейін ол белгісіз себептермен осы кезектен шығарылған.

2023 жылы ер адам осы санат бойынша қайтадан кезекке тұрғызылған, бірақ ол сотқа жүгініп, 2012 жылдан бастап кезекті қалпына келтіруді талап етіп, кезектен негізсіз шығарылғанын және өзінің атына тіркелген тұрғын үйдің жоқтығын көрсеткен.

Қазіргі уақытта талап қоюшы туыстарының үйінде тұрады.

Сотта талап қоюшының атына жылжымайтын мүлік тіркелмегені анықталды.

Тұрғын үй комиссиясының хаттамасы және талап қоюшының кезектен шығару туралы жазбаша өтініші, тіркелген жылжымайтын мүліктің болмауына байланысты бірінші саты соты аудан әкімінің тиісті қаулысының күшін жою арқылы талапты қанағаттандырды.

Сондай-ақ, аудандық тұрғын үй бөліміне қатысты заң талаптарының бұзылуын көрсете отырып, жеке ұйғарым шығарылды.

Аудан әкімі бұл шешімге дау айту барысында әкімнің қаулысына шағымдану мерзімі өтіп кеткенін атап көрсеткен.

Алайда, облыстық сот бірінші сатыдағы соттың шешімін өзгеріссіз қалдырды.

Қызылорда облыстық сотының баспасөз қызметі.