Қармақшы аудандық полиция бөлімінің ғимаратында аудандық сотының сот төрағасы Қ.Мыхановтың төрағалығымен «Қазақстан Республикасының Әкімшілік құқық бұзушылық туралы Кодексіне өзгерістер мен толықтырулар енгізу туралы» 2025 жылғы 10 қаңтардағы №155-VІІІ Қазақстан Республикасының Заңын талқылау мақсатында іс-шара өткізілді.

Шараға аудандық сот судьясы А.Қазыбеков, аудандық прокуратурасының прокуроры Е.Мусаев, аудандық ішкі істер бөлімінің басшысы Қ.Әліп және әкімшілік полиция бөлімінің қызметкерлерінің қатысты.

Судья А.Қазыбеков өз баяндамасында Қазақстан Республикасының «Әкімшілік құқық бұзушылық туралы» Кодексіне енгізілген өзгерістер мен толықтыруларға тоқталып өтіп, учаскелік полиция инспекторларына сотқа келіп түсетін іс қағаздардың біртекті болуын және әкімшілік хаттамадағы тұлғаларға қатысты барлық мәліметтер толық көрсетілу керектігін жеткізді.

Семинар соңында судьялар мен полиция қызметкерлері заңды іс жүзінде жүзеге асыру барысында туындайтын мәселелер бойынша өзара пікір алмасты.

Қармақшы аудандық соты