Азамат Д. әкімшілік жаза қолданылғаннан кейін бір жыл ішінде қайталап, 2025 жылғы 27 сәуірде сағат 20.25 шамасында Қызылорда қаласы, М.Шоқай мен Ә.Бөкейхан көшелері қиылысында белгiленген тәртiппен тiркелмеген автокөлігін басқарған.

Азамат Д. әрекеті өз кінәсін мойындауымен қатар, полиция қызметкерлерінің мәлімдемесімен, әкімшілік құқық бұзушылық туралы хаттамасымен, Қызылорда облысы Полиция департаменті Әкімшілік полиция басқармасының анықтамасымен дәлелденді.

Қазақстан Республикасының «Жол жүрісі туралы» Заңының 63-бабына сәйкес, басқа мемлекеттің құзыретті органында тіркелген, халықаралық жол жүрісіне қатысатын және бір жылдан аспайтын мерзімге әкелінетін механикалық көлік құралдарын қоспағанда, Қазақстан Республикасында жасалған немесе Қазақстан Республикасына әкелінген, осы Заңда айқындалатын механикалық көлік құралдары міндетті мемлекеттік тіркеуге жатады, мемлекеттік тіркеуден өтпеген механикалық көлік құралдарының жол жүрісіне қатысуына , пайдаланылуына тыйым салынады делінген.

Алайда, Д.аталған заң талаптарын сақтамай, автокөлігін тиісті түрде тіркемей басқарған.

Қазақстан Республикасының әкімшілік құқық бұзушылық туралы кодексінің 590-бабының 2-1-бөлігімен азамат Д. кінәлі деп танылып, оған 55048 теңге айыппұл салынды.

Қызылорда қаласының әкімшілік құқық бұзушылықтар жөніндегі мамандандырылған соты