Қызылорда облысының мамандандырылған ауданаралық экономикалық сотына талап қоюшы «Ф» серіктестігі жауапкер «К» серіктестігінен 10 400 000 теңге қарыз ақшаны өндіру туралы талап қоюмен жүгінген.

Сот тараптарға дауды татуласу рәсімдерінің көмегімен аяқтау туралы, оның ішінде сотқа дейінгі хаттаманы жасау құқықтарын түсіндірген. Нәтижесінде, тараптар дауды медиация тәртібімен реттеу туралы келісімге келген.

Азаматтық іс бойынша дауды медиация тәртібімен реттеу туралы келісім бекітіліп, төленген мемлекеттік баж 354 432 теңге талап қоюшыға қайтарылып, азаматтық іс жүргізу өндірістен тоқтатылды.

Қызылорда облысының мамандандырылған ауданаралық экономикалық соты