Қызылорда қаласының №2 сотында Қазақстан Республикасының Қылмыстық кодексінің 345-бабының 1-бөлігімен сотталушы У.-ға қатысты іс  қаралды.

     Сотталушы У. автокөлігін батыстан шығысқа қарай басқарып келе жатып басты жолда келе жатқан автокөлікке жол бермей соқтығысып, жол-көлік оқиғасын жасаған. Салдарынан, жәбірленуші Б. алған дене жарақаттарымен облыстық көп бейінді ауруханасына қаралып, сол қолының бесінші саусағына гипс салдырып үйіне қайтарылған.

     Басты сот талқылауында жәбірленуші Б. материалдық көмек көрсетілмегенін, сотталушыға  кешірім бермейтінін көрсеткен.

     Сотталушының қылмыстық әрекеті өзінің кінәсін мойындаған жауабымен, жәбірленушінің жауаптарымен, сараптама қорытындыларымен және іс бойынша басқа да құжаттармен  дәлелденген.

     Сотталушы  У.  ҚК-нің 345-бабы 1-бөлігімен кінәлі деп танылып, оған 1  жыл мерзімге көлік құралын жүргізу құқығынан айыра отырып, 60 сағатқа қоғамдық жұмыстарға тарту жазасы тағайындалды.

         Қызылорда  қаласының  №2 соты