Қазақстан Республикасының Азаматтық процестік Кодексіне сәйкес,  тараптардың арасындағы дауды партисипативтік рәсім тәртібімен реттеу мүмкіндігі қарастырылған.

Партисипативтік рәсім тараптардың адвокаттарының, не заң консультанттары палатасының мүшелері болып табылатын адамдардың жәрдемдесуімен дауды реттеу бойынша тараптар арасында келіссөздер жүргізу арқылы өткізіледі.

Байқоңыр қалалық сотында талап қоюшылар А. мен Н.-ның талап қою бойынша жауапкерлер М.-мен К.-дан материалдық шығын өндіру туралы азаматтық іс партисипативтік рәсім тәртібімен реттелді.

Талап қоюшылардың өкілі және жауакерлердің өкілі сотқа дауды партисипативтік рәсім тәртібімен реттеу туралы келісімді бекіту туралы өтінішхатпен жүгінген.

Қазақстан Республикасының Азаматтық процестік Кодексінің 277-бабы 6-тармақшасына сәйкес, сот егер тараптар дауды (жанжалды) медиация тәртібімен реттеу туралы келісім, дауды партисипативтік рәсім тәртібімен реттеу туралы келісім жасасса және оны сот бекітсе, iс бойынша іс жүргізуді тоқтатады.

Сот ұйғарымымен тараптардың өкілдерінің арасында жасалған дауды партисипативтік рәсім тәртібімен реттеу туралы келісім бекітіліп, азаматтық іс бойынша іс жүргізу тоқтатылды.

Байқоңыр қалалық соты