Қармақшы аудандық сотында Қазақстан Республикасының ӘҚБтК-нің 517- бабының 5-бөлігімен Өзбекстан Республикасының 2 азаматы Р. мен А.-ға қатысты әкімшілік құқық бұзушылық туралы істері қаралды.
Құқық бұзушыларЖосалы кентінен 2 шақырым жерде орналасқан кафе асханасында аспазшы болып жұмыс жасап жүрген жерлерінен полиция қызметкерлеріне ұсталып, сәйкесінше тіркеусіз, жұмысқа орналасуға рұқсатты алу еңбек қызметін жүзеге асыруға қажетті шарт болып табылатын жағдайда, мұндай анықтаманы не рұқсаттарды алмастан, Қазақстан Республикасында еңбек қызметін заңсыз жүзеге асырғаны анықталған.
Сот отырысында құқық бұзушылар кінәларын мойындаған, олардың әрекеттері іс құжаттарымен дәлелденген.
Сот қаулысымен Р. және А. ӘҚБтК-нің 517-бабының 5-бөлігімен Қазақстан Республикасының шегiнен әкімшілік жолмен шығарып жiберу түріндегі әкімшілік жазаға тартылды.
Қармақшы аудандық соты