Талап қоюшы Р., жауапкер «Н.» ЖШС-нен біржолғы зейнетақы төлемді «Отбасы Банкі» АҚ-ғы ашылған арнайы есеп шотына қайтару туралы іс қаралды.

Іс-құжаттарына сәйкес талап қоюшы Р.,сотқа берген талабында жауапкермен біржолғы зейнетақы төлемдерін пайдалану арқылы қызметтер көрсету туралы шарт жасалып, жауапкер стоматологиялық ем жүргізу бойынша міндеттемелер алғанын,алайда жауапкер стоматологиялық емдеу жұмыстарын жасамағанын, қызмет көрсетуді бастау үшін қабылдауға да шақырмағанын көрсетіп 5 300 000 теңгені «Отбасы Банкі» АҚ-да ашылған арнайы есеп шотына қайтаруды сұраған.

Тараптар дауды медиация тәртібімен реттеу туралы келісіміне қол жеткізіп, медиация келісімін бекітіп, азаматтық істі өздерінің қатысуынсыз қарап, іс бойынша іс жүргізуді тоқтатуды сұраған.

Сот, талап қоюшының жауапкерден 5 300 000 теңге қарызын және сот шығынын өндіру туралы тараптардың келісімдерін бекітіп, қарызын талап қоюшы Р.-ның пайдасына толық төлеуге міндеттеді.

Жалағаш аудандық соты