21 сәуірден бастап Kcell кейбір тарифтік жоспарлар бойынша ай сайынғы төлемді көтеруді жоспарлап отыр. Мәселен, «Алға-1» жоспары 23,4 процентке – 2 990 теңгеден 3 690 теңгеге көтеріледі. Сол сияқты «Престиж XS» пен «Престиж S» жоспарлары 500 теңгеге қымбаттайды.

Activ те 21 сәуірден бастап кейбір тарифтік жоспарларын 300-700 теңгеге көтермекші.

Altel компаниясы 26 сәуірден бастап 13 бірдей тарифтік жоспардың бағасын өсіреді. Мәселен, Non Stop 6 890 теңгеден 7 990 теңгеге дейін, ал Unlim 5 990 теңгеден 8 990 теңгеге дейін өседі. Осылайша, Altel тарифтері 1000-3000 теңгеге қымбаттайды.

Ал Tele2 тура сол күні «Үй интернеті+» тарифінің ай сайынғы төлемін 3 500 теңгеден 5 000 теңгеге дейін көтереді.