▪️Қызылорда облыстық сотында судьялардың Әдеп жөніндегі комиссиясының ұйымдастыруымен «Әдеп нормаларын мүлтіксіз сақтау үшін судьяларға қойылатын талаптар» тақырыбында семинар өткізілді.

▪️Семинарға облыстық соттың судьялары, аудандық және оларға теңестірілген соттардың төрағалары мен судьялары қатысты.

▪️Шараны судья Әдебі жөніндегі комиссияның төрағасы М.Тоғызбаева ашып, судья әдебінің нормалары сот төрелігін жүзеге асыру кезінде судьяның мінез-құлқының қағидаларын белгілейтінін, Судья әдебінің Кодексінің нормаларын қатаң ұстану барша судья қауымына міндетті болып табылатынын атап өтті.

▪️Семинар барысында Қызылорда қалалық сотының судьясы Э.Ахметова судьялардың әдеп нормаларын сақтау мәселелері бойынша баяндама жасады.

▪️Шара соңында қатысушылар тақырып аясында өзара пікір алмасты.

Қызылорда облыстық сотының баспасөз қызметі