▪️Бүгін Қызылорда облыстық сотында «Қылмыстық құқық және процесс» секциясы бойынша семинар өткізілді.
▪️Семинарға қылмыстық істер жөніндегі сот алқасының төрағасы Ж.Бекжанов, облыстық соттың судьялары, қалалық соттардың төрағалары мен судьялары, аудандық соттардың төрағалары мен судьялары бейнебайланыс арқылы қатысты.
▪️Семинарды алқа төрағасы Ж.Бекжанов ашып, қатысушыларды күн тәртібімен таныстырып, көтеріліп отырған мәселелердің маңыздылығына тоқталды.
▪️Қызылорда облысының қылмыстық істер жөніндегі мамандандырылған ауданаралық сотының судьясы Д.Алиев соттардың қылмыстардың қайталануы туралы заңдарды қолдануы бойынша баяндама жасап, сот практикасымен бөлісті.
▪️Қызылорда қаласының №2 соты төрағасының міндетін атқарушы Е.Құтыбаев бас бостандығынан айыруға сотталған адамдарға түзеу мекемелерінің түрлерін тағайындау мәселелеріне тоқталып, бірқатар мәселелерді атап өтті.
▪️Қызылорда қаласының әкімшілік құқық бұзушылықтар жөніндегі мамандандырылған сотының судьясы И.Тұңғышбаев әкімшілік жазаларды қолдану бойынша баяндама жасады.
▪️Семинар соңында қатысушылар өзара пікір алмасты.
Қызылорда облыстық сотының баспасөз қызметі