4-маусым Қазақстан бойынша «Мемлекеттік Рәміздер» күні аталып өтіледі.  Бұл күні қазақстанның барлық облыстарында ҚР мемлекеттік туы көтіріліп, әнұраны шырқалады.  Мемлекеттік рәміздер – Ту, Елтаңба және Әнұран Қазақстан Республикасының дербестігі мен тәуелсіздігін бүкіл әлемге танытушы әрі мемлекетіміздің өткені мен бүгіні және болашағы арасындағы сабақтастықтың жарқын көрінісі. Сондай-ақ рәміздер – халқымыздың мұқалмас рухын, қаһармандығы мен даналығын, асқақ арман-тілегін жеткізетін құнды белгілері болып табылады.

          Осы орайда, Қызылорда облысы бойынша Қылмыстық-атқару жүйесі департаментіне қарасты №68 мемлекеттік мекемесінде мекеме бастығының жалпы сұрақтары жөніндегі орынбасары әділет майорының басқаруымен әр аптаның сейсенбі күні өтетін аппараттық жиналыс өткізіліп, күн тәртібінде қаралатын сұрақтар баяндалды. Мәжіліс басталмас бұрын, мекеменің тәрбие және кадр жұмысы тобының аға инспекторы әділет капитаны Д.Шахи баяндама оқып, рәміздер күнінің негізгі құрылуын жеке құрамға баяндап, жеке құрам қызметкерлері  ҚР мемлекеттік әнұранын шырқады.