Ғалымдар шамамен екі мың жылдық тарихы бар Қарақабақ көне қалашығын зерттеуді жалғастырып жатыр. Ежелгі дәуірде бұл өңірдегі маңызды сауда және қолөнер орталықтарының бірі болған.

Зерттеу барысында археологтар тиындар, мөрлер, керамикалық бұйымдар және басқа да артефактілер тапқан. Бұл олжалар қазіргі Маңғыстау аумағы арқылы ірі халықаралық сауда жолдары өткенін көрсетеді.

– Қалашық Ұлы Жібек жолының солтүстік тармағының бір бөлігі болған және Каспий маңы елдерін байланыстырған, – дейді археологтар.

Рим, Қытай және Парсымен байланыс

Ең қызығы, Қарақабақтан ежелгі порттың, шеберханалардың және теңіз саудасының іздері анықталған. Зерттеушілердің мәліметінше, табылған артефактілер өңірдің Византиямен, Парсымен, Үндістанмен, Риммен және Қытаймен байланыста болғанын дәлелдейді. Бұл Маңғыстау аумағында біздің дәуіріміздің алғашқы ғасырларында-ақ қалалық мәдениет пен экономиканың жоғары деңгейде дамығанын көрсетеді.

Қазіргі таңда жергілікті билік көне қалашық аумағында ашық аспан астындағы музей, ғылыми-археологиялық база ашып, туристік бағыттар ұйымдастыруды жоспарлап отыр.