QAA.KZ

Сарқылмасын Сыр-Ана!

Қызылордалық полицейлер тұрғындарды алдаған алаяқты ұстады

ByQAA.kz

Қаз 6, 2020

04.10.2020 жылы Қызылорда қалалық Полиция басқармасының кезекші бөліміне облыс орталығының тұрғыны алаяқтық фактісі туралы арызданған.

Тексеру барысында мамыр айында қала тұрғыны сеніміне кіріп, жұмысқа орналастырамын, сондай-ақ қолжетімді бағамен баспана сатып алуға көмектесемін, сіңілісін университетке түсуруге көмек беремін деп алдағаны белгілі болды. Осылайша, алаяқ өзінің уәделерін орындамай, алдау жолымен жәбірленушінің 5.245.000 теңге сомасындағы ақшасын иемденген.

Жедел-іздестіру шаралары барысында күдікті, бұрын сотты болған, 28 жастағы Қызылорда қаласының тұрғыны құрықталды.

Күдіктіге қатысты Қазақстан Республикасы Қылмыстық кодексінің 190-бабының 3-бөлігіне (ірі мөлшерде жасалған алаяқтық) сәйкес сотқа дейінгі тергеп- тексеру жүргізілуде.

Қызылорда қаласының полиция басқармасы алаяқтардың құрбаны болмас үшін азаматтардан қырағылық пен мұқияттылықты сақтауды сұрайды!

Қызылорда облысы Полиция департаментінің баспасөз қызметі

QAA.kz

QAA.kz - "Ақмешіт ақшамы" газеті. Қазақстан және Қызылорда жаңалықтары.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған