QAA.kz

"Ақмешіт ақшамы" газеті

Қызылордада бюджеттен 16,8 млн теңге жымқырғандар сотталды

Автор:QAA.kz

Июл 30, 2019

«Қазалы аудандық құрылыс, сәулет және қала құрылысы бөлімі» ҚММ басшысы мен «Агроспецмонтаж» өндірістік кооперативі директорының орынбасары қызметтік өкілетін асыра пайдаланғаны және аса ірі көлемде бюджет қаржысын жымқырғаны үшін сотталды, деп хабарлайды ҚазАқпарат. Қазақстан Республикасы Сыбайлас жемқорлыққа қарсы іс-қимыл агенттігі Қызылорда облыстық департаменті «Қазалы аудандық құрылыс, сәулет және қала құрылысы бөлімі» ҚММ басшысы Б.Тиыштықов пен «Агроспецмонтаж» ӨК директорының орынбасары Н.Әбуовке қатысты сотқа дейінгі тергеу ісін аяқтады.

Б.Тиыштықов қызметтік өкілетін асыра пайдалана отырып, Қазалы қаласында құрылыс жүргізілетін тұрғын үй инфрақұрылымдарын қамтамасыз ету нысанының құрылысы кезінде жалған орындалған жұмыстар актісіне қол қойған. Осының нәтижесінде Әбуов 16,8 млн теңге сомасында бюджет қаражатын иемденген.

29 шілдеде Қазалы аудандық сотының үкімімен Тиыштықовтың — 1 жылға, Әбуовтің — 6 жылға бас бостандығы шектелді. Сотталушылар мемлекеттік қызметте жұмыс істеу құқығынан өмір бойына айырылды.

QAA.kz

QAA.kz - "Ақмешіт ақшамы" газеті. Қазақстан және Қызылорда жаңалықтары.

Добавить комментарий

Ваш адрес email не будет опубликован. Обязательные поля помечены *