QAA.kz

"Ақмешіт ақшамы" газеті

«Алла қызымды бұл өмірден алып кетті»: Индира Расылхан егіздерінің дүниеге келуі туралы

Автор:QAA.kz

Авг 6, 2019

Индира Расылхан егіздерінің дүниеге келуі туралы айтып берді, деп хабарлайды Stan.kzақпарат агенттігі.

Өнер иесі тұңғыш қызы қатты ауырып, дүниеден озғаны туралы жеткізді. Алайда, сондай қиын қыстау кездің өзінде сынбай, тәңірден бір жақсылық тілеумен болған әнші иманының мықты екенін айтқан.

«Алланың қалауымен қызымды бұл өмірден алып кетті. Сол кезде иманымның мықты болғандығы соншалықты, жыласам да Алладан сұрай бердім. Қайырлысын бер, өзің бердің, өзіңе қайтарылды дедім. Сабырлығымның арқасында құламай, ол кезеңнен де өттім», — дейді Индира Расылхан.

Осылай барға шүкіршілік еткен Индира Расылхан көп уақыт өтпей, егіз қызға жүкті болып қалғанын айтып берді. Артынша өзін тек жақсы ойларға жетелей отырып, қайғының артынан қуаныш келгенін түсінген. Егіз қызына жүкті болған кезде Индира Расылхан қатты жылаған көрінеді.

«Бір жыл сегіз ай өткен соң, Алла мені егіз қыздармен сүйіншіледі. Құрсағыма біткенін де сезбей қалғанмын ғой. Дәрігерге УЗИ- ге барсам, егіз деп айтқанда, жатып алып жылағанымды көрсеңіз ғой. Жылағанда да Аллаға шүкіршілігімді айтып жыладым. Анамның да қуанғаны соншалықты, көзіне жас алып тұрып, » Бүгін түсімде көріп едім, екі қолыңда, екі пакетте толы шокаладпен үйге қарай келе жатқаныңды» деп құшақтай алды. Анамның қолында өссе де менен алыстамады», — дейді Индира Расылхан.

Қазіргі таңда өнер иесінің қос бұрымдысы кәмелеттік жастан асқан. Индира Расылхан қыздарының өзіне ақылшы, кеңесші болатын деңгейге жеткенін айтып мақтанды.

«Қазір қыздарымның жасы 18 ден асты. Құрсағымда болғанда, ешқандай мәселені ойламадым да, көңілімді түсірмеуге тырысып бақтым. Ойымда тек қана аман есен, дені сау балаларды дүниеге әкелсем екен дедім. Қазір менің қос қанатым, менің ақылшыларым», — дейді Индира Расылхан.

QAA.kz

QAA.kz - "Ақмешіт ақшамы" газеті. Қазақстан және Қызылорда жаңалықтары.

Добавить комментарий

Ваш адрес email не будет опубликован. Обязательные поля помечены *