Қызылордада көп балалы аналар көп ұсыныс айтты

0
582

9 ақпан күні сағат 09.00 бастап А. Тоқмағамбетов атындағы қалалық мәдениет үйінде облыс әкімінің орынбасарлары, Қызылорда қаласының әкімі, облыстық мәслихат хатшысы мен «Нұр Отан» партиясы облыстық филиалы төрағасының орынбасары, сондай-ақ облыстық басқармалардың басшылары қатысқан Ашық есік күні өтті.

Мемлекеттік органдардың басшылары әрбір келушіні қабылдады және тыңдады. Қабылдау қорытындысы бойынша олардың байланыс ақпараты мен өтініш-ұсыныстары жөнінде мәліметтер базасы құрылады.

«Таңертеңнен бастап азаматтарды қабылдау жүргізілуде, келушілердің  басым көпшілігі — көп балалы және жалғыз басты аналар, бастапқыда түсініспеушілік орын алып, жағдай шиеленіспен басталған болатын. Бірақ біз ортақ шешімге келіп, айқай-шумен мәселе шешілмейтінін айтып, сөйлесіп мән-жайды бірлесіп шешуге келістік. Жиналған тұрғындарға Қызылорда облысы әкімінің орынбасарлары мен Қызылорда қаласы әкімінінің қабылдауында өз талап-тілектерін жеткізу ұсынылды», — деді Қызылорда облысы әкімінің орынбасары Қуанышбек Ысқақов.

Келушілердің негізгі сұрақтары: «көп балалы ана» және «жалғыз басты ана» санаттары үшін тегін тұрғын үй және бірқатар жеңілдіктер беру, мысалы, коммуналдық қызметтер, салықтар, жәрдемақыларды арттыру және өзге де әлеуметтік төлемақылар. Әрбір келушінің сұрақтары бойынша түсініктеме берілді, мәселелері әрі қарай талқыланатын болады, содан соң жауабы жолданады.

Бұдан бұрын барлық өңірлік БАҚ-та, әлеуметтік желілердегі және интернет-ресурстарындағы ресми аккаунттарда Ашық есік күнін өткізу туралы ақпарат жарияланғанын атап өткен жөн.

Сонымен қатар, 6 ақпан күні облыс орталығында қала әкімінің орынбасарлары мен қалалық бөлімдердің басшылары күн сайын көп балалы әйелдердің мұқтаждықтары мен ұсыныстарын анықтау мақсатында қабылдау өткізген болатын.

Сондай-ақ, облыс бойынша көп балалы отбасыларды аралап, бірінші кезектегі қажеттіліктерін анықтап, олардың мәселелерін  шешу жолдарын қарастыруға бағытталған арнайы комиссия жұмысын бастады.

Естеріңізге сала кетейік, Мемлекет басшысының тапсырмасы бойынша қазақстандықтардың өмір сүру сапасын жақсарту үшін ҚР Премьер-Министрінің орынбасары Ерболат Досаевтың басшылығымен жұмыс тобы құрылды.

Анықтама: бүгінде облыста 35 мыңнан астам көп балалы отбасы бар. Барлық отбасыларға жәрдемақы уақытылы төленуде. 2018 жылы әлеуметтік қорғалмаған отбасылардан шыққан оқушыларға келесі көмек түрлері көрсетілді.

25 232 оқушы тегін ыстық тамақпен қамтылды;

17420 оқушы жалпы білім беру қорының қаражаты есебінен киіммен қамтамасыз етілді;

10295 оқушыға демалыс лагерлеріне жолдама берілді;

«Қамқорлық» акциясы аясында аз қамтылған отбасынан шыққан 1591 студент шәкіртақы алады, тегін ыстық тамақпен қамтылып, қоғамдық көлікте тегін жүреді.

Ақылы негізде оқитын халықтың әлеуметтік қорғалмаған топтарының студенттеріне оқуға 50 пайыз жеңілдік және бірінші кезекте жатақханадан орын беріледі.

2013 жылдан бастап аз қамтылған және көп балалы отбасылардан, әсіресе ауылдық жерлерден шыққан балаларды оқытуға әкім гранты тағайындалған, аталмыш гранттардың 900-ге жуық иегері  ҚР жетекші ЖОО-да білім алады.

Қызылорда облысы әкімінің баспасөз қызметі

Пікір қалдыру

Please enter your comment!
Please enter your name here